KINABUKASAN ay lumuwas si Geri sa Maynila at pinuntahan ang mansyon nina Lucas. Gusto niyang makita at maka-usap ng personal ang asawa para linawin ang nakita niyang picture nito na may kahalikang ibang babae.
Binundol ng matinding kaba ang dibdib ni Geri nang makarating sa tapat ng mansyon nina Lucas at makita ang karatulang nakasabit sa labas ng gate na may naka-sulat na 'For Sale'.
Dali-dali siyang lumapit sa gilid ng gate at pinindot ang door bell. Mayamaya ay may lumabas na isang security guard. Lalo siyang kinabahan dahil hindi ito ang guard na inabutan niya noong nagpunta sila ni Lucas sa mansyong ito dalawang buwan na ang nakakaraan.
Pilit niyang nginitian ang guard sa kabila ng matinding kabang nararamdaman. "Good afternoon po. Nand’yan po ba si Lucas? Pwede ko po ba siyang ma
