HINDI mapuknat ang ngiti sa mga labi ni Victoria matapos siyang lumabas sa pribadong silid ng doktor ni Lucas.
"Tita, anong sabi ng doctor? Ano na pong lagay ni Lucas?" nag-aalalang tanong ni Pia na kanina pa inaabangan ang paglabas ni Victoria.
Isang mala-demonyong ngiti ang sumilay sa mga labi ng donya. Hinila nito si Pia sa isang tabi at doon sila nagkwentuhan. "My son is suffering from temporary amnesia. He can't remember some recent events before his accident, at kasama na roon ang hampaslupang babaeng 'yon."
"Talaga po ba? Hindi niya maalala si Geri?" hindi makapaniwalang tanong ni Pia.
Tumangu-tango siya.
“Pero tita, paano kung bumalik si Geri? Alam niya kung saan kayo nakatira. Paano kung hanapin niya si Lucas? Siguradong babalik ang memorya ni Lucas ‘pag nagkita ulit silang
