“Maggie!” tawag ko sa babae.
Sinadya ko pa siyang puntahan dito sa lugar kung saan siya naninirahan dahil mula ng araw na masaksihan niya ang pag-uusap nila mama at papa ay hindi na rin siya umuwi pa sa bahay ng aking ama.
“Anong ginagawa mo rito?” malamig niyang tanong.
Humakbang ako palapit sa kaniya upang mas makausap ko siya ng maayos.
“Bumalik ka na kay papa, Maggie.” Masuyong hinawakan ko ang kaniyang kamay saka mahigpit na kinipot iyon sa loob ng mga palad ko.
“Pasensiya na Krishna pero hindi ko gagawin iyan.” Inalis naman niya ang kamay kong nakahawak sa kaniya.
“Maggie, nagsusumamo ako sa iyo. Sana’y balikan mo si papa. Kailangan ka niya.” Lumuhod ako sa kaniyang harapan.
“Krishna!” bulalas niya saka pilit akong pinatatayo mula sa kaniyang harapan.
“Hindi na halos kumak
