Magkakasama kami ngayon nina mama, papa Samuel, papa, Maggie, Marco, Marissa, Kurt, Sharmaine, Charlie at Carl Wayne rito sa inarkila naming restaurant.
Ito na ang pinakamasayang araw ng aking buhay dahil kasama ko silang mga mahal ko.
Masaya akong makitang maayos na ang pakiramdam ni mama at ganoon din si Maggie.
Nagkausap na rin silang dalawa ni papa at nagkalinawan tungkol sa kanilang mga totoong saloobin sa isa’t isa.
Wala na akong makitang ilangan sa pagitan nila papa at papa Samuel dahil katulad ng dati ay muli silang nagbalik sa pagiging magkaibigan.
Bawat isa sa kanila ay nagkaroon na ng maayos na usapan at nagagawa na rin nilang magkakwentuhan ng may ngiti sa labi.
Tunay ngang kaysaya sa pakiramdam na makitang nagkaayos silang lahat mula sa matagal na panahong sigalot sa
