THREE YEARS LATER…
BINABA NI Krisha ang hawak na Script at saka sumenyas sa lahat ng actors na cast ng programa kung saan siya kabilang.
“Lipat na daw tayo ng location sabi ni Direk!” malakas na wika niya.
“Hay salamat, makakatulog na rin ako kahit sa byahe lang!” reklamo ng isa sa mga artistang babae.
Napangiti siya saka bumalik sa area kung nasaan ang ilang production staff.
“Krisha, okay na ba ‘yong location na lilipatan natin?” baling sa kanya ng director nila.
“Opo,” nakangiting sagot niya.
“Very good. Basta ikaw talaga, maaasahan!” puri sa kanya ng director nila.
Makaraan ang tatlong taon. Heto siya ngayon, kabilang sa isang malaking TV Production ng bagong teleserye ng pinakamalaking T
