NAGYAYA si Raven na makipag inuman sa mga kapatid ni Mila. Masama ang loob niya dahil hindi pa rin siya kayang patawarin ni Mila. Nagkakantahan sila habang uminom.
"Bayaw, kantahan mo nga si bunso namin para lumambot na ang puso niya at mapatawad ka niya," sabi ni Mel kay Raven.
Nakikinig lang si Mila sa kanila habang karga karga si Baby Mira. Kumuha pa ng kutsara si Raven na akala mo ay mikropono ang hawak.
"Sweet, this is for you," malambing na sabi ni Raven at kumindat pa. Saka binalingan ang kapatid ni Mila. "Bayaw, tipain mo na ang gitara mo."
Nagsimula na ngang kumanta si Raven. Bigay na bigay at papikit pikit pa ng kanyang mga mata.
May itinatago pa lang talento ito, ni hindi man lang niya nalaman.
Nang matapos ang kanta ay nagpalakpakan ang mga kapatid ni Mila. Tuwang tuwa s
