Nasa kalahati na sila ng biyahe ay hindi pa rin maalis ang kaba ni Shanaya. She wasn't prepared to meet Danzel's parents. Hindi niya gustong makarinig nang panghuhusga sa kanya dahil sa ginawa ni Anya.
"Ano na naman ang iniisip mo?" tanong ni Danzel bagama't nakatingin sa daan habang nagmamaneho.
"Ano ba'ng sinabi mo sa kanila?" tanong niya. "Paano tayo nagkakilala at kung bakit mo ako gustong pakasalan?"
"Ano nga ang iniisip mo," pangungulit nito.
"Sa 'kin na lang 'yon."
"E 'di malalaman mo mamaya kung ano ang sinabi ko sa Mommy at Daddy ko."
"Napaka-imposible mo talaga!"
"What are your cravings? Mas madalas ka na bang mahilo?"
"Nahihilo ako sa katatanong mo."
"Ang sungit mo talaga. Sigurado akong kamukha ko 'yang baby natin dahil pinaglilihian mo 'ko," biro pa rin ni
