“Kailangan ko lang talaga,” aniko kay Atasha.
Sinusubukan kong mag-cash advance ng malaking halaga at ng sa gayon ay makalipat ako ng ibang tirahan.
Hindi naman sa inaayawan ko ang bahay ni Fynn, pero hindi ko lang maatim na makita at makasama ang kaniyang bruhang asawa sa iisang bubong.
Narinig ko ang usapan nila ni Fynn kanina na titira si Shiela sa bahay ng una upang mapalapit sa kaniya si Fiona.
Bagay na tinututulan ko sana kaya lang ay wala naman akong karapatan na isatinig dahil sino ba ako sa buhay nila?
Feeling ko, mas malala pa sa tiyahin ko ang ugali ni Shiela dahil na rin sa paraan nang pagtataray nito.
“Umamin ka nga, Margherita.” Hinila ni Atasha ang upuang plastic na nasa kaniyang tabi at saka umupo sa may bandang tapat ko. “Nag-aadik ka ba?”
Tinampal ko ng malakas
