Nagpupumilit pumasok ang dila ni Leo sa loob ng aking bibig, ngunit hindi ko iyon pinahihintulutan.
Itinaas niya ang mga kamay ko at saka ipinaikot iyon sa kaniyang leeg. May maliliit na boltahe ng kuryente ang nanulay sa mga braso ko patungo sa aking katawan.
Gustuhin ko man alisin ang mga kamay ko mula sa kaniyang leeg, tila nawalan ako ng lakas na gawin iyon dahil tumitig siya sa aking mga mata.
“Margherita...” usal niya na siyang nagpakurap sa mga mata ko.
Nanunuot sa bawat himaymay ng kalamnan ko ang titig niya at nakikita ko ang tensiyong namumuo sa kaniyang mukha.
Naramdaman ko ang pag-angat ng kaniyang palad sa ‘king likuran saka masuyong humagod iyon doon.
Sa pagkakataong ito’y ako naman ang naging tensiyonado dahil pakiwari ko ay napakasama ko kay Leo.
Wala kasi akong ib
