Dia's POV
Nagising ako na mag-isa na lang sa kwartong ito. Napahaba ang tulog ko dahil din sa pagod ko kanina. Nakita ko sa labas na madilim na. Gabi na pala. Wala na akong nakikitang liwanag sa labas ng dagat. Iba ang lamig sa ilalim ng dagat kapag gabi na. Parang naka-aircon. Bumangon na ako at saka ako lumabas. Nadatnan ko sa labas na nag-uusap sina Reyna Milia at Amir. Natanaw ko na rin doon si Erson na nakasibangot. Hindi ko alam kung anong nangyayari, pero pakiramdam ko ay parang may problema.
"Gising ka na pala, Miss Dia," sabi ni Azulan na biglang lumapit sa akin.
"Anong pinag-uusapan nila? May problema ba?" tanong ko sa kanya habang nakatingin pa rin kina Reyna Milia.
"Oo, mayroon nga. Ayon kay Reyna Milia,sumugod raw ang demonyong si Yasara at sinunog daw ang ilang bahay sa
