Amir's POV
"Ang prinsipe!" sigaw ni Pieter nang makita akong niluwa ng portal sa harap ng Madita Academy. Agad akong nilapitan nila Millie, Bernhard at Pieter.
"Saan ka galing? Bakit ngayon ka lang nagpakita?" tanong agad ni Millie na tila nag-aalala. Nakita pa niya ang mga sugat kong may band-aid.
"Totoo bang binihag ka ni Miss Dia?" tanong agad ni Pieter.
"Hindi niya ako binihag. Wala siyang ginagawang masama. Kayo ang nagtulak para 'di siya umanib sa atin. Agad niyo siyang hinusgahan. Mabait si Miss Dia. Matagal kaming nagkasama sa mundo nila. Hindi niya ako pinabayaan," kuwento ko.
"Kahit naman kami ay 'di sang-ayon sa biglang desisyon ng palasyo. Saglit man naming nakasama si Miss Dia ay alam kong mabait siya," sabi ni Millie.
"Kaya nga kami nagsama-samang tatlo ay para gumawa
