Dia's POV
Pagbaba ko sa ibaba ay nakita kong may libro na nakalagay sa lamesa. Wala akong natatandaan na may ganitong libro sa amin. Sa tingin ko ay kay Prinsipe Amir ito. Palapit na sana ako sa libro nang biglang lumabas sa banyo si Amir.
"I'm done," sambit niya. Nawala ang atensyon ko sa libro dahil sa suot niya. Bagay na bagay sa kaniya ang damit na binili namin. Ang bad ko lang dahil pinausot ko agad sa kaniya ito nang hindi nilalabhan. Baka mangati siya, pero sana ay hindi.
"Anong masasabi mo? Mukha ba akong taga-rito na sa mundo niyo dahil sa suot ko?" tanong pa niya kaya tumango ako.
"Oo, bagay na bagay sa iyo. Para ka ng simpleng binata lang," sagot ko.
"Mabuti kung ganoon," sagot niya.
"Teka at baka masunog ang sinaing ko," paalam ko sa kaniya at saka ako pumunta sa kusina.
