Amir's POV
Tanghali na nang magising ako. Paglabas ko sa kwarto ko ay nagluluto pa lang ng tanghalian si Exequiel.
"Maligo ka muna, Prinsipe Amir. Hindi pa ako tapos e, kagigising ko lang din," sabi niya kaya naligo muna ako.
Bigla kong naisip si Dia. Ayos lang kaya siya ngayon? Habang naliligo ako ay puro siya ang nasa isip ko. Masaya ako na nasa panig namin siya.
Paglabas ko sa banyo ay handa na ang hapagkainan. Natawa ako sa niluto niya. Nagulat pa ako dahil ginaya niya ang niluto ko kay Dia kaninang umaga. Nang tignan ko siya ay tatawa-tawa pa siya.
"Natikman ko kasi iyung natira kanina sa kaserola. Nasarapan ako sa lutong iyon na ngayon ko lang natikman kaya sinubukan kong gayahin. Alam mo naman ako, alam na alam ko ang mga sangkap 'pag nalasahan ko ang isang putahe."
"Sige nga
