TRES' POV:
"HINDI PA ba kayo papasok sa loob ng bahay, umaambon na," ani pa ni Kuya Uno ngunit nagkatinginan lang kami ni Kuya Dos.
"Masyado pang maaga Kuya tyaka wala naman tayong pasok di ba? Bakit hindi natin pigain ng tanong 'tong maangas nating kapatid?"
Inakbayan ako ni Kuya Dos at inipit ang aking leeg gamit ang kaniyang braso at ginulo pa ang maikli kong buhok.
"Kuya ano ba!?"
Bumaba ang tingin sa akin ni Kuya Uno at hindi man lang nagbago ang ekspresyon ng mukha nito. Nanatili itong seryoso na akala mo ay pasan-pasan niya ang lahat ng problema rito sa mundo.
"Magaling na ba ang pasa mo sa balikat?" aniya na siyang ikinatigil namin ni Kuya Dos at umayos kami ng upo ngunit ang braso ni Kuya Dos ay nanatili sa aking balikat.
"Oho. Maayos na ho. Hindi naman na siyang gaanong ma
