NAPATINGIN si Diosa kay Lemuella. Pati siya ay nahawa sa mabigat na mood nito. Napaisip siya kung anong problema ng pinsan. Asar na asar ito noong magkasama pa at si Debil sa iisang bahay. At ngayon na nakalaya na, hindi pa rin masaya? Ang labo lang ni Lemuella!
Pero mas malabo siya. Tinamaan talaga siya ng amoy ng pabango nito. Para siyang nalasing bigla. Sumama ang pakiramdam niya! May tama din yata ang sikmura niya ngayon. Ang sensitive lang!
"Mabigat ang pakiramdam mo imbes na magaan?" ang tulalang si Macaria ang nagsalita. Nakikinig rin pala ang pinsan na parang robot na naka-program sa 'tulala mode' mula nang bumalik sila sa Pugad Agila.
"Parang ganoon—Yosh?" napatingin sa kanya ang dalawa nang mapansin na nakatakip na ang kamay niya sa bibig. "Okay ka lang? Parang ang putla mo—uy
