"Makinig ka, Yosh. Malalaman mo kung gaano nakakaasar 'to si Debil," sabi ni Lemuella at tinanggap ang tawag. Naka-loud speaker—gustong matawa ni Diosa sa nakikitang pagkaasar sa mukha ng pinsan.
"O, Debil? Problema mo?" bungad agad ni Lemuella.
"Ikaw ang problema ko!" bulyaw ng nasa kabilang linya kasunod ang sunod sunod na pag-ubo. Sa pandinig ni Diosa, hindi peke ang ubo. Pero magkaiba pala sila ng pandinig ni Lemuella. O siguro, dahil sanay ang pinsan sa kung ano-anong kalokohan ni Debil, hindi na naniniwala kahit totoo talagang may sakit na ang lalaki. "Mamamatay na ako, 'di mo man lang naisip mag-text? Ah, oo nga pala. Si Jamir ang tine-text mo! Ano? Nagpapa-cute ka do'n? Wake up, Mahinhinon! Hindi type no'n ang mga babaeng kulot at malaki ang mata!" sunod sunod na ubo uli, parang
