Mabilis naman na gumaling si Enzo. Buti na lang at nakapagpahinga na siya at nakainom agad ng gamot kaya naman hindi na lumala pa ang lagnat niya. Kinagabihan nga ay kinaladkad ko siya papunta sa bahay namin para kumain ng dinner.
Kaya naman the next day ay inasahan ko na papasok na siya, pero nagulat ako dahil pagkapasok ko ng room ay nakita ko na bakante pa ang table niya. Nasanay na rin kasi ako na madalas ay nauuna na siyang makarating sa school kaysa sa ‘kin.
At mas lalo akong nagulat nang makarating na ako sa table ko. May isang box kasi na nakapatong doon.
"What's this?" bulong ko sa sarili ko.
Sinipat ko ang box at binuksan. Tumambad sa ‘kin ang isang box ng cupcakes na may iba't-ibang mga icing. Kumunot naman bigla ang noo ko.
Lumingon ako.
"Uh, Keira, nakita mo ba kung sino
