NAKAPIKIT pa ang mga matang kinapa ni Gwen ang nag-iingay na cellphone niya. Napadilat siya pagkatapos na itapat niya iyon sa tainga niya ngunit wala siyang marinig na tunog. Hindi pala ang cellphone niya ang maingay kundi ang doorbell na bagong kabit. Napabalikwas siya ng bangon at dali-daling sumilip sa bintana. Si Tyler ang nasa labas!
Animo ipuipong nagmumog siya ng mouthwash at nagsuot ng roba. Sinuklay niya ang kanyang buhok habang naglalakad patungo sa front door.
Napakagat-labi siya. Nang nagdaang gabi lang ay nagdasal siya na hindi na sila palaging magkita ni Tyler. Pero hayun at ito agad ang ang unang taong makikita niya nang umagang iyon. obviously ay hindi affirmative ang sagot ng Diyos sa dasal niya.
Parang lubid sa laronf tug-of-war ang pakiramdam niya. Hinahatak siya ng
