Athena
Ngayon ang championship game ng basketball na ginanap sa Universidad de Manila. Kaya naman wala dito ang mga varsity player kabilang na ang Black Fire Trio.
Ang ibang estudyante ay nababagot na dito dahil gusto na nilang magtungo sa venue upang suportahan ang mga player ng Golden Valley University.
“Pupunta ka ba sa venue Athena?” tanong ni Alodia
Binuklat ko ang aklat ko sa literature at saka ako umiling sa kanya. Wala akong balak pumunta doon dahil hindi ko naman hilig ang manood ng basketball.
“Huh? Hindi mo man lang susuportahan ang jowa mo?” tanong nya
Namilog ang mga mata ko sa kanyang sinabi. Ang iniisip ba ng lahat ay boyfriend ko talaga si Ethan?
“Magkaibigan lang kami.” Paliwanag ko
Ngumisi ang kaibigan ko. Mukhang wala syang alam na nasaksihan ko ang pagluha ni E
