Athena
“B-bakit kailangan mo pa akong ipakilala sa mga magulang mo? Hindi na kailangan? Hindi naman ako importanteng tao?” kinakabahan kong tanong sa kanya
Napailing sya sa mga sinabi ko.
Ilang saglit lang ay seryoso na naman syang tumitig sa akin.
“Kailan mo ba itatatak dyan sa isip mo na parte ka na ng buhay ko? Gusto kita, kaya ipapakilala kita sa mga magulang ko. Ikaw pa lang ang ipapakilala ko sa kanila kaya dapat nga na magpasalamat ka pa.” Nagmamayabang na naman ang tinig nya sa akin.
Napahalukipkip ako dahil sa mga tinuran nya. Biglang lumamig ang kamay ko dahil sa mga nalaman ko. Ayoko talagang makaharap sina Mr. and Mrs. Zobel. Ang alam ko ay matataray sila at hindi gusto ang isang mahirap na tulad ko.
Baka matulad ako sa mga napapanood ko sa telebisyon na inaapi ng nanay
