Athena
Pagkatapos ng matinding komprontasyon sa pagitan namin ni Enzo ay bahagyang tumahimik ang mundo para sa aming dalawa.
Hindi nya ako kinikibo.
Magkasama nga kami ngunit kahit anong salita ay hindi sya nagbabanggit sa akin.
Galit nga sya.
Habang nagtuturo ng leksyon ang aming guro ay panay ang sulyap ko kay Enzo. Hindi nya talaga ako nililingon mula kanina pa. Kakaiba rin pala ang pakiramdam kapag walang Enzo asungot na nagungulit sa akin.
Ilang saglit lang ay inabutan ako ng ilang pirasong candy ni Ethan.
Nagitla ako sa pagkakangiti nya sa akin. Parang nanigas ang buong katawan ko habang nakaabot ang mga palad nya sa akin.
Nang akmang kukuha sana ako ng inaalok nyang candy ay bigla na lamang tinapik ni Enzo ang mga palad ni Ethan. Nalaglag tuloy ang ibang candy na hawak nya.
