Athena
Nakaramdam ako ng matinding ginaw.
“N-nay.. nakabukas po ba ang aircon? Giniginaw po ako.” Nanghihina kong sambit.
Hindi ko alam kung si nanay nga ang naririto sa loob ng kwarto ko. Basta ang alam ko ay may taong nakaupo sa tabi ko. Nakalubog kasi ang kama ko.
Nakatalukbong pa rin ako ng kumot at halos kaiinin ng lamig ang buong katawan ko.
“Hey baby, kumain ka muna ng mainit na sopas para pagpawisan ka.”
Kahit nanghihina ako ay napabalikwas ako sa gulat dahil sa narinig ko. Si Enzo ba yung nagsalita?
Kaagad kong tinanggal ang kumot na nakabalot sa buong katawan ko.
Parang lumiwanag ang paligid ng masilayan ko si Enzo. Tumayo sya at nagtungo sa lamesita para kuhain ang mainit na sopas na niluto ni nanay.
“A-anong ginagawa mo dito? Baka mahawaan kita?” pag-aalala ko
Umiling
