GEORGE
Nagising ako ng may yumuyugyog sa balikat ko. Nang magmulat ako ng mata ay nakita ko ang guwapong mukha ng anak ko.
"Good morning my life," nakangiting bati ko at niyakap ito saka pinupog ng halik sa pisngi. Habang ginagawa ko ito ay hindi ko napigilan ang pagtulo ng luha ko.
Ngayong araw na ang alis ni Syke pero hindi man lang nito nakilala ang ama. Nasasaktan ako dahil alam ko na balang araw ay itatanong at hahanapin niya ang ama nito.
"Mama, hindi ka po papasok?" tanong nito habang yakap ko.
Ayaw ko kasing makita ako nitong umiiyak kaya hindi ko ito binibitawan ng yakap. Mas lalo lang akong masasaktan kapag nakita ko ang mukha nito dahil lalo akong mangungulila sa ama nito.
Ang buong akala ko ay okay na ako. Na kapag nagkrus muli ang landas naming dalawa ay hindi na ak
