GEORGE
Pasado alas nuwebe na ng gabi ay nasa resto bar pa rin ako. Mabuti na lamang ay nakakapagtrabaho pa rin ako kahit parati sumasagi sa isip ko na posibleng naghihintay si Syke sa lugar kung saan ko ito nakita at si Syro.
Kanina ko pa pinag-iisipan kung pupunta ako o hindi. Wala naman na kaming dapat pang pag-usapan dahil wala na rin namang saysay. Hindi na rin naman niya dapat pang malaman na anak niya si Syro. Para saan pa? Baka mas lalo lang magulo ang sitwasyon kapag sinabi ko.
Tama, anak niya si Syro. Nang umalis ako sa Maynila at nagpasyang magpakalayo-layo ay nagbunga ang huling gabing may nangyari sa aming dalawa.
Mas lalong gumuho ang mundo ko noon ng malaman ko na buntis ako. Pakiramdam ko ay pinagsakloban ako ng langit at lupa. Ang lupit ng kapalaran na sinapit ko. Hi
