GEORGE
Habang lulan ng sasakyan ni Syke, iniisip ko pa kung tutuloy ako sa Celestine Village o magpapahatid na lang ako sa apartment ng kaibigan ko. Malamang ay hinihintay na ako ng dalawang iyon.
"Hindi ba may pupuntahan ka?" basag ni Syke sa katahimikan.
"Oo," tipid kong sagot.
"Where? Ihahatid na kita."
"Pinag-iisipan ko pa,"
"Kailan ko pa malalaman ang sagot mo, kung kailan malapit na tayo sa bahay n'yo?" sarkastikong sabi nito.
Inismiran ko lamang ito at kinuha ang cellphone ko. Tatawagan ko si Gelene kung nasa apartment pa ito ni Lourdes. Baka kasi kapag pumunta ako doon ay wala na ito. Ayaw ko naman na kausapin mag-isa si Lourdes dahil baka hindi ako makapagtimpi ay masabunutan ko lang ito dahil sa kagagahan nito. Wala rin akong maibibigay na payo rito dahil hindi pa nam
