NAG-AAYOS si Diosa ng mga gamit na bibitbitin papuntang Bataan. Nagmamadali ang kilos niya. Sa text na lang niya balak magpaalam kay Marrio. Baka sumpungin pa ng topak ang pasaway, hindi siya payagang umalis ng condo. Sa sitwasyong iyon, hindi sila puwedeng mawala ni Diosa sa tabi ni Macaria. Sila na ang halos naging magkakapatid sa mga Mahinhinon. One for all, all for one ang drama nila lagi.
Nag-text na si Macaria kanina lang. Agad naman siyang nag-text kay Diosa. Sa Batangas na sila magkikita. Sa hula ng dalaga ay magulo rin ang utak ng pinsan. Hindi lang kasi si Macaria ang inaalala nito, mas si Rohn na anak-anakan ni Floro. Malapit sa lalaki si Floro Bolocbuloc kaya hati ang atensiyon ni Diosa.
Si Marrio na umuwi na may kasamang lasing na babae noong isang araw, umalis rin kinabukas
