"WALA kang girlfriend?" ulit ni Lemuella sa sinabi ni Marrio. Lampas alas dose na iyon ng hatinggabi. Nakahiga siya sa sofa. Hubad sa ilalim ng kumot at si Marrio naman ay naka-jeans lang, nakasalampak sa sahig at nakasandal sa bandang side ng sofa sa bandang ulunan niya.
Hindi maalala ni Lemuella kung paanong umabot sa girlfriend ang usapan. Pagkain lang naman ang pinag-uusapan nila kanina. Nagtatanungan sila kung anong mga pagkain ang nagre-represent sa mga personality nila. Umabot sa dessert daw siya para kay Marrio—pantanggal umay daw. Hindi na siya nag-follow up question. Kape naman ang lalaki para sa kanya dahil naninira ng antok.
"Girls lang," deretsong sagot nito. "Walang pressure. Walang demand."
"Mga ilan?"
"Marami," ngisi nito. "Models, actresses, photographers—"
"Basta gam
