LITERAL na nakanganga si Lemuella pagkakita ng mga YouTube videos ni Marrio. Sinunod niya ang sabi ni Macaria pagkarating niya ng condo. Nagbihis lang siya at naupo na sofa hawak ang cell phone. Balak niyang mag-internet hanggang dumating si Marrio na wala siyang ideya kung nasaan na naman.
Lampas six PM na siya dumating sa condo. Walang tao. Tahimik ang buong unit. Pinili niya ang paboritong puwesto sa sofa.
Gaya ng sabi ni Macaria, una siyang nag-check sa YouTube. Napanganga siya-literal na ang laking nganga matapos niyang mapanood ang mga videos na si Marrio ang main character. Sigurado siyang advertisements ang mga iyon. Hindi siya mahilig manood ng telebisyon kaya hindi niya alam kung napapanood iyon sa TV. Evaporated and condensed milk, all purpose cream, butter at local chocolate
