“Nagulat ka ba?” untag sa kaniya ng Chief nila kaya napatingin siya rito. “Ako rin, eh, nagulat nang makita namin si Mr. Sandoval. Akala nga namin ay siya iyong namatay na CEO ng malaking kompanya sa bansa natin, eh.”
Kahit sino talaga na makakakita kay Rik Sandoval ay iisipin na ito si Michael. Malaki ang pagkakahawig ng dalawa, huwag lang titingnan ang mga mata. Magkaiba kasi talaga ang kulay ng mga mata ng dalawa.
Sino ba kasi talaga si Rik Sandoval? Bakit wala man lang nasabi si Michael tungkol sa lalaki noong nabubuhay pa ito? Magkaaway ba ang dalawa? O may tamang rason pa. Mas malalim na rason.
Bumuntonghininga si Jia na para bang sa ganoong paraan ay masasagot ang mga katanungan sa isipan niya. Dahil sa paggambala ng lalaki sa isipan niya ay panandalian niyang nakalimutan ang su
