Ilang linggo na ba ako rito? tanong ni Jia sa sarili niya habang nagbabalat ng orange na dala ni Rik Sandoval.
Ang sabi sa kaniya ni Chief Gary nang magising siya ay isang linggo na siya roon, at isang linggo na rin ang nakakaraan mula nang sabihin nito sa kaniya iyon kaya naman ay dalawang linggo na siyang nakatengga sa hospital. And for the first ay hindi niya inalala ang bayaran dahil kinausap na siya ni Rik Sandoval tungkol doon, at dahil nagkusa ito ay ano ang karapatan niya para tanggihan ang grasya?
Kanina ay dinalaw niya ang kapatid niya. Okay na rin ito at nang kausapin niya kung may naalala ito, mayroon daw. Kaso ang hindi nito alam ay kung paano nila natakasan ang mga taong halang ang kaluluwa na nanakit sa kanila lalo pa at una raw itong nawalan ng malay sa kaniya.
“Ano ng
