HINDI MASASABI ni Ellie na siguradong nakumbinse na niya ang kaniyang Kuya Earl na bumalik na ng probinsya, ngunit panghahawakan niya ang huling sinabi nito dahil naniniwala siyang malalaman din nito ang totoo. Gayunpaman ay ayaw pa rin siyang tantanan sa isipan ng katotohanang kanilang nalaman mula kay Earl.
Pasado alas nuwebe na nang sila'y makaalis sa Mandaluyong. Dahil marami-rami pa silang napag-usapan na ibang bagay, isa pa ay nakipag-bonding din siya sa kaniyang pamangkin dahil sa medyo matagal na panahong nakita niya ito.
Dumiretso sila ng Makati upang doon siya ibaba ni Ronnie sa may terminal ng tren. Hindi na kasi siya nito maihahatid pauwi dahil naghahabol na rin ito ng oras para sa klase. Kikilos pa kasi ito at magbibihis ng uniporme.
"Mag-ingat ka pauwi, hah?" Ramdam niya
