Hindi alam ni Ranne na nag-usap sina Octavo at ang kanyang inang si Flora. Hindi niya rin alam na ang pag-uusap na iyon ay nagbigay ng lakas sa binata na lalo siyang ipursige.
Kasalukuyang nasa salas sila at abala sa pagbuklat ng mga lumang larawan ng pamilya sa photo album.
"So you and Alicia were inseparable," sabi ni Octavo. It was not a question but a statement. But Octavo was confused, kung talagang super close sina Ranne at Alicia bakit naging tibo ito.
"Kitang-kita naman 'di ba? Sa mga larawan pa lang parang B1 at B2," sabi ni Nestor, at parang sutil na pinagtatawanan ang mga larawan ng dalawa.
"Sige, maaliw ka lang. Masamid ka sana?" mahinang wika ni Alicia, at mabilis na napatayo. "Makapagwalis na nga lang."
Umubo ng peke si Ranne nang makita na halos hindi maalis ang ting
