Hindi rin ako pinayagan ni sir Rhuel na mag off. Saka na lang daw ako mag-off at baka raw kasi maisipan ko na huwag ng bumalik.
Inis na inis ako dahil bakit ko naman gagawin na hindi na bumalik?
May isa akong salita kaya alam ko sa sarili ko na hindi ko gagawin ang ganung bagay.
At saka, hindi ko basta maiiwan ng ganun si Ron.
Nalungkot nga sina nanay at tatay ng tumawag ako na hindi ako makakauwi ngayon.
Isang beses na nga lang ako sa isang araw na nakakauwi tapos hindi pa ako makakauwi.
Bigla na lang tinopak ang amo ko at ayaw akong pauwiin.
Isa pa, gusto ko nga sanang sumaglit sa bahay nila Kiko para makita na ng dalawa kong mga mata kung tunay ngang may iba ng kinakasama ang lalaking mahal ko.
Ang hirap.
Wala man lang akong mapagsabihan ng mga hinaing ko.
Hindi ko masabi sa m
