Panay ang inhale-exhale ni Skyler sa unahan ng altar. Nanlalamig ang mga kamay niya, hindi naman aircon ang simbahan. Yung iba pinapawisan siya naman parang giginawin na ewan. Umayos siya ng tayo at itinuwid ang likod, sinubukan na pakalmahin ang sarili kahit medyo mahirap. Katabi niya ang asawang si Cleo, elegante sa suot nitong champagne-gold gown, isang kamay ang mahigpit na nakahawak sa braso niya na para bang ramdam na ramdam nito ang kaba na unti-unting bumabangon sa loob niya.
Sa likod nila, ang magandang altar na parang isang panaginip lang sa ganda. Basta si Raine ang trumabaho, umasa ka na ang simple nagiging magarbo. Ang dating simpleng altar ay ngayo’y nagmistulang paraiso ng pag-ibig—punong-puno ng kumikislap na kandila bulaklak na bumabalot sa paligid, at gintong dekorasyong
