"RAFAEL, kotse ni Melgar iyong lumabas sa entrance ng resort," sabi ni Shantel sa binata. "Sana ay hindi niya ako nakita!"
Muling inikulan ng tingin ni Rafael ang kotse. "Dumiretso na. Hindi ka niya napansin kaya walang problema."
Nasapo niya ang dibdib saka bumuntonghininga. Humarap na siya sa lalaki. "Sana nga ay hindi niya ako napansin. Hindi sana niya ako nakita."
"Tiyak akong hindi. Kasi kung nakita ka niya ay siguradong titigil 'yon at bababa. Sure na haharapin niya tayo at baka nag-iskandalo pa 'yon."
Tumangu-tango siya. "Paano? Papasok na ako sa loob. Ingat ka sa pagda-drive pauwi."
Nginitian siya nito. "I'll always be careful for you, 'heart."
"Dapat lang," tugon niya. “Because we still have a lot of things to share. Bubuo pa tayo ng mga pangarap para sa magiging pamilya nat
