"BAKIT mo ba ako tinutukso kay Renz?" Hindi naiwasang itanong ni Shara kay Harlene habang nagmamaneho siya ng kotse. "Hindi ka ba nahihiya sa kanya?"
"Sira!" natatawa nitong tugon sa kanya. "Sobra ngang natutuwa si Renz dahil imina-match kita sa kanya. He likes you, girl."
"Tumigil ka nga."
"Totoo. Naging honest siya sa akin. When he first saw you, he immediately told me he liked you. Kaya nga ibinigay ko sa kanya ang address mo."
Sa isang bahagi ng puso niya ay may nasalat siyang tuwa dahil sa sinabi ni Harlene. Pero hindi siya umimik. Ayaw niyang mahalata nito ang nararamdaman niya.
"Mabait naman si Renz, Shara. Bagay siya sa 'yo."
"May girlfriend si Renz, Harlene."
"Wala!" mabilis nitong sabi. "Hindi mo ba narinig ang sinabi niya kanina? He is single right now."
"Eh, sino si Lov
