“Let’s get married.”
“What?!” Muntik nang mabulunan si Annalor sa dessert na kinakain. Daig pa niya ang natuklaw ng ahas sa narinig.
Bahagya namang dumilim ang ekspresyon ni Dave. “Ayaw mo?” Magkahalo ang sama ng loob at pinipigil na galit sa boses nito.
“Hindi sa gano’n,” sabi niyang hindi halos magkandatuto para ma-pacify ang loob ng binata. “Pero napakabilis naman.”
“Wala naman tayong ibang hihintayin. Damdamin lang naman nating dalawa ang sangkot dito. We love each other. At sigurado naman tayong pareho roon. So, bakit kailangan pang patagalin?”
Napatitig siya kay Dave. Nasa ekspresyon nito ang determinasyon, pero hindi rin niya maiaalis ang sobrang pagkabigla.
“Unless you’re changing your mind,” mayamaya ay dagdag nito nang wala siyang masabi.
“Huwag mong isipin `yan,” parang
