CHAPTER 24
TINAY POV
Kung may magtatanong sa akin kung ano ang pinaka-weird na nangyari sa buhay ko, hindi ko na kailangang mag-isip.
Zombie apocalypse.
May bestfriend akong reklamadora.
May boyfriend akong zombie na mas sweet pa sa buhay na lalaki.
At ngayon… nasa loob kami ng isang bakery na amoy sunog na tinapay at lumang ice cream.
Normal day lang, ‘di ba?
Nakaupo ako sa sira-sirang upuan habang pinapanood si Manyashik na seryosong-seryoso sa pagkain ng beef. Para siyang batang binigyan ng paboritong laruan. Hawak niya ‘yung karne na parang trophy.
Hindi ko mapigilan ang tawa ko.
“Babe…” sabi ko, “parang gusto mong pakasalan ‘yang karne.”
Umungol siya.
“Graaaah…”
Ibig sabihin no’n: ‘Kung pwede lang.’
“NAKAKAINIS KAYO,” singit ni Becky, nakahiga sa mesa habang sinusupsop a
