Nakatingin sa kalangitan si Serenity habang umiinom ng kape na itinimpla niya. Katabi niya si Diane. Nagpasama siya sa kaibigan niya at nakiusap na dito na ito matulog sa kaniyang bahay. Nakaramdam kasi siya ng matinding lungkot kaya gusto niya ng makakausap.
"Medyo tulig ka rin. Ang sabi mo sa akin hindi ka makatulog pero kape iyang iniinom mo. Ano ba talaga?" nakasimangot na sabi ni Diane.
Natawa na lang si Serenity. "Ewan ko ba... nakakatulig pala ang magmahal. Hindi ko na alam kung kailan ko ba ihahanda ang sarili kong makipagkita kay Oliver. Kasi ayoko namang itago ng panghabambuhay na may anak kami. Baka ito pa ang isumbat niya sa akin. Na tinanggalan ko siya ng karapatan. Eh kasal pa kami. At saka, naaawa rin ako kay Onyx dahil hinahanap niya ang daddy niya. Gusto na nga niya iton
