Maraming biniling laruan si Oliver para kaniyang anak na si Onyx. Hindi niya nga mapigilang mapangiti at masabik na makita ang reaksyon ng kaniyang anak kapag nakita nito ang mga laruang binili niya. Binilisan niya pa ng bahagya ang pagpapatakbo ng kaniyang sasakyan. At nangunot ang kaniyang noo nang matanaw sa 'di kalayuan ang bahay ni Serenity kung saan bukas ang gate nito. Bigla siyang nakaramdam ng kaba.
Bakit bukas ang gate? Dapat nakasarado ito, ha?
Dali-dali siyang bumaba ng kaniyang sasakyan. At bigla siyang nanghina nang makita si Serenity na walang malay at mayroong dugo sa ulo.
"Serenity!" malakas niyang sabi sabay yakap sa kaniyang asawa.
Nanginginig ang kaniyang kalaman nang makita ang dugo sa ulo ng kaniyang asawa. Bigla siyang nanghina. Ngunit pinipilit niyang kumalma a
