Halos mahimatay na si Serenity kaiiyak dahil hanggang ngayon ay hindi pa rin nahahanap ang anak nila. Dalawang araw na itong nawawala. At kahit na marami ng inuutusang tao si Oliver, hindi pa rin mahanap ng mga ito ang anak nila. Nanghihina na rin si Oliver at naiiyak na dahil sa sobrang pag-aalala sa kanilang anak. Ngunit ayaw naman niyang ipakita kay Serenity na nanghihina siya dahil sa kaniya kumukuha ng lakas ang kaniyang asawa.
"Honey.... ang anak ko... ang anak natin...." lumuluhang sambit nito.
Magang-maga na ang mga mata ni Serenity. Namumula na halos ang buong mukha nito kaiiyak. Hindi rin ito nakatulog ng ayos at hindi na rin halos kumakain. May warrant of arrest na silang inihain kay Clara para sa kasong kidnapping. Niyakap ng maigi ni Oliver ang kaniyang asawa at pilit na pin
