CHAPTER 51
Flor
Hindi ko alam kung bakit ganito kabigat ang katawan ko buong umaga. Siguro dahil halos hindi ako nakatulog kagabi—si Theo at Logan ay parang dalawang kuting na nag-aagawan ng pwesto sa tabi ko. Isa sa dibdib ko, isa sa tagiliran ko. Kung hindi ko lang sila mahal, baka itinapon ko na sa sahig kaninang madaling araw.
Pero heto ako ngayon, nakayuko sa batyang plastik, naglalaba ng sangkatutak na damit—puro pambata, puro may mantsang hindi ko alam kung pagkain ba, lupa, o dagta ng saging.
“Marco, bakit may ketchup ang brief mo?” bulong ko sa sarili ko habang kinukusot ang telang akala mo ginawang ketchup dispenser kagabi.
Si Logan naman? My God. 'Yong t-shirt niya parang ginamit na basahan ng kaldero.
Piniga ko ang damit at itinabi sa balde, ipapabanlaw ko na maya-maya. P
