CHAPTER 38
Flor
Tahimik ang loob ng kotse habang tinatahak namin ang kalsadang paakyat ng Jeju. Malamig ang simoy ng hangin, at sa labas, unti-unting nawawala ang liwanag ng araw, pinapalitan ng gintong kulay ng dapithapon. Niyaya niya ako na pumunta rito sa Jeju Island.
“Sigurado ka ba rito?” tanong ko habang nakatingin sa gilid ng daan, kung saan tanaw ang karagatan. “Camping? Sa Jeju?”
Ngumiti si Norwin, hindi inaalis ang tingin sa kalsada. “Bakit, ayaw mo?”
“Hindi naman. Nakakagulat lang, ganito ka pala ka romantic kapag hindi tinutupak?”
Napangiti siya. “Oo, naman! Lalo na kapag ikaw ang kasama ko. Hindi naman laging kailangan sa hotel, ‘di ba? Minsan mas maganda ‘yong tahimik, malayo sa lahat.”
Hindi ko alam kung dahil sa tono ng boses niya o sa mga salitang pinili niya, pero
