MAAGA kaming nagsimba kinaumagahan. Nais naming magpasalamat na walang nangyaring hindi maganda kay Mattie. Napakahaba ng naging dasal naming lahat. Ako ay humingi ng gabay sa mga hakbang na aking gagawin sa mga susunod na araw pagkatapos kong magpasalamat. I asked Him to give me more courage and ideas.
Hindi kami kumain sa labas, dumeretso na kami ng uwi. Naging abala na sina Mommy at Ninang Martinna sa paghahanda ng mga pagkain. Sina Daddy at Ninong William ay nagkulong sa opisina. May kaunti akong ideya kung ano ang pinag-uusapan nila. Nais naming makisali ni Andres ngunit hindi kami hinayaan. Masyado pa raw kaming mga bata upang makialam sa maseselang bagay. Hinayaan na lang muna namin sila kahit na tila nais naming igiit na hindi na kami mga bata.
Umarkila kami ng mga DVD at habang
