ILANG araw akong tuliro dahil sa halik na iyon. Mattie seemed unaffected. Gusto ko sana siyang tanungin kung bakit niya ginawa ang bagay na iyon ngunit naduduwag din ako. Tuwing nakikita ko siya na parang hindi apektado, na tila walang nagbago sa pagitan namin ay natatakot akong marinig na walang kabuluhan ang halik na ibinigay niya, na hindi iyon big deal.
Hindi ko maamin noon sa aking sarili ngunit natatakot din akong ma-reject. Hindi naman ako masisisi ng sinuman kung ikokonsidera ang mga naging karanasan ko sa mga babae.
Isang hapon ay binisita ako ni Andres sa bahay. Hindi na kami gaanong nagkakausap nitong mga nakaraang araw dahil abala siya sa pag-aaral. Nagkayayaan kaming maglaro ng basketball sa likod ng bahay.
“Kumusta na kayo ni Mattie?” kanyang tanong nang matapos kami sa p
