"Ikaw na lamang sana ang kumausap sa asawa mo, Iha." ani mommy Lucy.
Tapos na kaming kumain pero nauna nang umakyat sa silid namin si Greco na halatang mainit ang ulo.
Narito kami ngayon sa kanilang living room. Nagkakape sila daddy Richard kasama na rin sila Adam, Andrei, at Trevor.
Ang mga babae naman ay nagkasya na lamang sa pagkain ng ice cream na pinabili pa ni Kristine.
"Hayaan niyo po, mommy. Ako na lang po ang bahala sa asawa ko. Palalamigin ko muna ang ulo niya," Sabi ko naman. Binigyan niya lang ako ng tipid na ngiti.
"Naku. pag nilambing mo 'yon, Baka imbes na lumamig ang ulo, Uminit pa!" Naghalakhakan ang lahat sa sinabing 'yon ni Trevor.
Kunot noo naman ako habang nakatingin sa kanila. Ano bang pinagtatawanan nila?
"Sure 'yan!" segunda ni Adam.
Napapangiti na
