MACY COLLIEN
Makalipas ang isang linggo ay bumiyahe ako papunta sa probinsya nila nanay. Gusto niya ako samahan pero tumanggi ako. Hindi ko kasi gusto na abalahin pa sila sa mga problema ko. Gusto ko na maging malakas para sa baby ko. Gusto ko na malampasan ang mga pagsubok na ito.
Alam ko na mahirap pero kakayanin kong mag-isa. Kakayanin kong mabuhay na ako lang. Gusto kong tumayo para sa anak ko. Alam ko na hindi ko kayang kalimutan ang nangyari sa akin pero pipilitin ko na kahit papaano ay mabuhay na masaya kasama ang anak ko. Hindi ko rin alam kung babalik pa ba ako sa Maynila.
Bakante ang bahay ng tita ko. Kaya naman doon ko pinili na tumuloy. Ang pera na mayroon ako ay gagamitin ko na puhunan sa negosyo naisip ko. At sinimulan ko na ito.
“Ganda, pabili ako ng isang kilo ng karne
