NANG maghapunan ay dinalhan na lang ni Lorelei ng pagkain si Karenina sa kuwarto ng kapatid niya nang hindi ito lumabas. Nag-usap din sila nito sandali pero nauwi lang iyon sa pag-aaway nilang dalawa kaya iniwanan na lang muna niya ito.
Alam niyang gusto lang nitong maliwanagan kung bakit naging gano’n ang kapatid niya. Kung bakit gustong maghiganti ni kuya Brix sa mga Del Rio.
Pero mas mabuting wala itong masyadong alam dahil mas lalo lang manganganib ang buhay nito. At isa pa, wala siyang karapatan na magsabi ng mga dahilan kung bakit. Wala siyang karapatan na pangunahan ang mga desisyon ng kapatid niya.
Kinabukasan ay maaga siyang nagising. Naligo na muna siya bago bumaba para magluto ng kanilang almusal. Natigilan pa siya nang maabutan niya sa loob ng kitchen sina kuya Fred at mga
