MABILIS ang mga kilos na agad hinubad ni Lorelei ang suot niyang jacket at ibinalot niyon sa kaniyang baril at naghanap ng puwede niyang paglagyan niyon, iyong hindi makikita ni Andrei kapag pumasok ito rito sa loob.
Nagpalinga-linga siya at nang makita niya ang cabinet na nasa itaas ng toilet bowl ay nagmamadaling lumapit siya roon at agad binuksan ang cabinet.
A medicine cabinet. Naisip niya nang makita ang loob ng cabinet na puno ng iba't ibang klase ng gamot.
Mabilis naman niyang itinabi ang mga iyon sa isang sulok, pagkuwan ay inilagay niya roon ang baril na nakabalot na ng kaniyang jacket at isinara kaagad ang cabinet.
Nakahinga lang siya nang maluwag nang sa tingin niya ay safe na siya at hindi na iyon makikita pa ni Andrei, unless kung bubuksan nito ang cabinet. Saka lang din
