PAGDATING ng Maynila ay agad dinala si Lorelei ni Andrei sa opisina ng ninong ni Cairu na isa palang Judge. Kasama pa rin nila sina Cairu at Evander para maging witness sa magiging kasal nila.
She's now wearing a simple white dress and a strapped sandal. Nagulat na lang siya kanina nang dumaong ang yate sa Manila port na may lalaking nag-abot kay Andrei ng isang malaking paper bag at ito palang suot niya ngayon ang laman n'yon.
Si Andrei naman ay nakasuot lang ito ng white button down long sleeve. Walang necktie at hinayaan lang nitong nakabukas ang dalawang butones doon.
Hindi niya alam kung paano nagawa ni Andrei ang plano nito sa loob lang ng isang araw o baka pinagplanuhan na talaga nito ang lahat bago pa man ang mga ito sumugod doon sa isla. Hindi niya alam at nawalan na rin siya
